ياعرب ياعرب ياكبرهـا مـن غبينـه
كان صهيون حطت في جبينك علامـه
دمك مسفوك بايديـن اليهـود اللعينـه
لاحصل لك سلام ولاحصل لك سلامـه
العداوه قـد يمـه والظغينـه د فينـه
يعرف اسبابهااللي دوب يبلـغ فطامـه
والله انك من عصورٍ مضـت تعرفينـه
من لقى عند عبـادا لكنايـس شهامـه
كل من قام يرطن لـك تبعتـي رطينـه
لين عجت على شمس العروبه غمامـه
ياعرب جمعي باقـي حطـام السفينـه
من قصر خطوته بان الوقس في عظامه
ومن فلسطين الـى بغـداد لا تنكرينـه
كيف من شاف ذا الافعال يهنـا منامـه
يغدرون المصلي في صلاتـه ود ينـه
وانتهاك المحارم مثـل قـود النعامـه
اهون الموت من بعض العلوم المشينه
ياحيـاة المذلـه بعـد دوس الكرامـه
ياعرب من سلب عزتـك لا ترحمينـه
قبل صهيون ابن صهيون يبلغ مرامـه
ومن يخالفـك فـي قمتـك لا تقبلينـه
خلي مخالف الملـه يعيـش بظلامـه
نزعة ابليس حلت بين عقلـه وبينـه
يدعي بالشجاعـه والفعايـل رخامـه
خلي امطابن الخفـرات يلقـى طبينـه
ماخبرنا الصقر يمسي ويصبح حمامـه
والعلوم ادبرت مابيـن زينـه وشينـه
ارقصي ياسميـره واربطـي بالعمامـه
وامري طال عمرك واطلبـي ماتبينـه
كل واحد على مبـداه يسلـك نظامـه
ومن درى وش فعل صهيون تبت يمينه
دام تفكيرنـا فـي ماجنـات الوسامـه
يالله انك تناجي من رفـع لـك يدينـه
تمحق الي خلط بين الحـلال وحرامـه
قالهاشاعرٍ حب الوطن نصـب عينـه
وكلمة الحق عنوانـه وزبـدة كلامـه
موضوع: لاســـلام و لا ســلا مـه !! 
الخميس نوفمبر 27, 2008 12:35 pm
